第一次整陶瓷!哇,數數手指,原來已經係一年前嘅事!不過點都好,而家由地底挖返上嚟,當作歷史遺物,做個見證都好。
高手作品:
陶瓷小學雞班六人。
開始整!製作步驟如下:
整整整整整整,搓搓搓搓搓搓,轉轉轉轉轉轉轉轉轉(9次),搣搣搣搣搣搣搣……
又轉轉轉轉轉轉轉(7次)……
咁就完成啦!都咪話易阿,少啲功夫都唔得阿。
開始上色!其實呢,上色前就要先風乾,咁有幾個步驟。
1,將佢地擺喺陰涼嘅地方,避免陽光直接照射。
2,等。
3,風乾完成!
咁因為時間關係,已經乾左啦,可以上色。
亂畫亂油。
亂畫亂油。 車,未驚過。
上完色啦!
咁上完色呢,就要攞去燒啦。要燒出一個靚嘅陶瓷,關鍵係火候嘅控制,要先用慢火烤30分鐘,熄火,再文武火相隔咁慢慢炕,之後再……..
咁因為時間關係,已經燒好啦,但可惜我就無製成品嘅相,所以呢個Post就此完畢。
~END~